Stelpurnar okkar í Mos Mosh á EM
Við hjá Hrafnhildi erum afar stoltar af því að fá að dressa stelpurnar okkar og starfsfólk KSÍ fyrir EM í Englandi!
Þær völdu sér dökkbláar Mos Mosh dragtir, hvítan bol og skyrtu. Það verður flottur heildarsvipur á liðinu þó hver og ein hafi getað valið á milli tveggja sídda á jakka og mismunandi buxnasniða. Eins og við þekkjum er svo mikilvægt að okkur líði vel í því sem við klæðumst og sniðin henti okkur persónulega.
Glæsilegur hópur og miklar fyrirmyndir sem við hlökkum til að fylgjast með í fyrsta leik gegn Belgíu þann 10. júlí - Áfram Ísland!